Sot patëm kënaqësinë të mirëpresim pranë Fakultetit të Shkencave Mjekësore, në Universiteti Barleti, një grup maturantësh nga Tirana, të cilët ndajnë pasionin për shkencat mjekësore dhe kujdesin shëndetësor.
Vizita u konceptua si një përvojë orientuese dhe praktike, me qëllim që të rinjtë të njihen më nga afër me ambientin universitar dhe të projektojnë më qartë të ardhmen e tyre akademike dhe profesionale. Nën kujdesin e stafit akademik të fakultetit, maturantët u njohën me laboratorët didaktikë, duke u futur në botën e mjekësisë me fokus të veçantë në stomatologji dhe infermieri.
Një nga momentet më interesante të vizitës ishte përfshirja në ushtrime praktike, ku maturantët patën mundësinë të provonin realizimin e një injeksioni në manekinë mësimorë, duke përjetuar nga afër elementë konkretë të praktikës mjekësore.
Kjo ditë u shënua nga momente të bukura bashkëbisedimi, kurioziteti dhe entuziazmi, duke reflektuar qartë dëshirën e të rinjve për t’u bërë pjesë e profesionit fisnik të shëndetësisë.
🎓 Universiteti Barleti mbetet i hapur dhe mirëpret edhe maturantë të tjerë që dëshirojnë të eksplorojnë më nga afër pasionin e tyre për shkencat mjekësore dhe të hedhin hapa të sigurt drejt së ardhmes së tyre profesionale.
