Më 24 janar 2025, në ambientet e Universitetit Barleti, u zhvillua Konkursi i Arkitekturës dhe Dizajnit, një aktivitet që synoi të promovojë kreativitetin, mendimin kritik dhe talentin e të rinjve të apasionuar pas fushave të arkitekturës dhe dizajnit.
Gjatë konkursit, pjesëmarrësit prezantuan projektet e tyre përpara një paneli pedagogësh, duke demonstruar aftësi konceptuale, zgjidhje inovative dhe qasje bashkëkohore ndaj projektimit. Aktiviteti shërbeu si një hapësirë bashkëpunimi dhe frymëzimi, ku studentët patën mundësinë të ndajnë ide, të marrin feedback profesional dhe të njihen më nga afër me programet e studimit që ofron Universiteti Barleti.
Universiteti Barleti vijon të mbështesë iniciativa që nxisin zhvillimin krijues dhe përgatitjen profesionale të brezit të ri në fushat e arkitekturës dhe dizajnit.
