Në qytetin e Kavajës, me të rinjtë e këtij komuniteti u organizua një aktivitet me fokus këshillimin e karrierës në fushën e Mjekësisë dhe Informatikës. Diskutimet u përqendruan te rëndësia e investimit në këto fusha studimi, mundësitë që ofron tregu i punës dhe perspektivat e zhvillimit profesional dhe sipërmarrës.
Të rinjtë patën mundësinë të njihen më nga afër me sfidat dhe avantazhet e këtyre profesioneve, duke marrë këshilla praktike për zgjedhjet e tyre akademike dhe profesionale. Aktiviteti shërbeu si një hap i rëndësishëm për të orientuar ata drejt një të ardhmeje të sigurt dhe të suksesshme.
